莫拉達處子戰 馬體會19場不敗告終

20190204
東網電視
更多新聞短片
(Getty Images)
莫拉達呀莫拉達,你會唔會改名做黑仔達?呢名西班牙前鋒,剛由車路士被借到馬體會18個月,着上22號波衫嘅佢今輪西甲鬥貝迪斯處子上陣。莫拉達得到教練施蒙尼信任踢足全場,但未能取得入波,禁區內被侵犯球證又當睇唔到,最後馬體會雖有門將奧比歷作出神救,但一樣輸0:1完場,馬體會連歐聯、西班牙盃及聯賽共19場不敗紀錄告一段落。
莫拉達於車路士鬱鬱不得志,始終搶唔到正選,最終被借到馬體會。今仗莫拉達曾經出現兩次半餐士入波,不過佢把握唔到,被人侵犯球證又堅決話唔係12碼,連VAR都唔用。奧比歷上半場神奇救出對手近距離頭槌攻門,但就救唔到簡拿利斯嘅12碼,最終馬體會輸0:1,未能趁巴塞主場失分而拉近積分差距,目前落後「地上最強」6分;皇馬於今輪3:0擊敗艾拉維斯,追到落後馬體會僅2分。
東網體育FB同你追實體壇每個精彩時刻!
支持本地運動員,一齊去「睇體」!