奧脫福大帝回歸？傳簡東拿出任曼聯體育總監
20190206
東網電視
更多新聞短片
(互聯網)
曼聯名將如雲，但「奧脫福大帝」只有一個，就係法國巨星簡東拿。自從曼聯辭退摩連奴後，有意仿傚其他歐洲大球會增設體育總監職位，並已開始招聘，簡東拿日前在個人社交網上載一張相，簡大帝背對鏡頭，背景就係奧脫福球場，並留言：「我咩都唔得畀你聽，不過你會好鍾意。」係咪暗示佢會返嚟？
英國《每日郵報》報道，52歲嘅簡東拿發布呢張相之後，佢成為曼聯體育總監嘅賠率頓時由6倍被調低到兩倍，成為頂頭大熱，次熱門係前熱刺高層保羅米歇爾，有4倍，現任阿積士行政總監雲達沙就有5倍，係第3熱門。
簡東拿言行向來出位，亦未做過行政工作，佢會否給廣大球迷驚喜，好快就有分曉。
支持本地運動齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！