蘇斯克查話你知 點樣教好曼聯
20190206
東網電視
更多新聞短片
(Getty Images)
曼聯自從由名宿蘇斯克查接手執教之後，表現脫胎換骨，由佢領軍嘅10場比賽取得9勝1和，重返聯賽前4位在望。
莫耶斯、尹戈爾、摩連奴都冇晒符情況下，點解蘇B又可以做到呢？佢依家親自講解成功之道。
蘇斯克查話：「喺呢度教波好容易，因為我了解曼聯DNA，就係贏波同自信，我們必須敢於冒險，入咗1球之後，要爭取入第2球、第3球、第4球，呢種就係曼聯應該做嘅事，如果你唔咁做，咁你就揀錯球會。」言下之意，似乎寸緊「泊大巴」嘅前主帥摩連奴。
蘇斯克查仲話，2007年掛靴之後，仍然好留意曼聯，睇咗球隊大部分比賽，知道紅魔鬼有乜優點同弱點，亦清楚以往球隊做錯嘅地方。換言之，佢已經為執教曼聯，準備咗超過10年時間，梗係可以令球隊立即起死回生啦。
支持本地運動員，一齊去「睇體」！
東網體育FB同你追實體壇每個精彩時刻！
Follow東網體育IG一齊撐本地運動員！