手揸四個Offer 雲格一個月內返工！
20190207
東網電視
更多新聞短片
（互聯網）
都過咗超級半年，大家仲有冇掛住雲爺爺？雲格於上年夏天，同教足22年嘅阿仙奴分手，之後都仲有班落，不過《泰晤士報》就爆料，呢位殿堂級領隊多月來都有好多球隊斟，但佢老人家一路揀緊適合嘅下一站，據報佢會於一個月返新工！
雖然今年10月就滿70歲，但雲格依然自覺大把貨賣，根本冇諗過從此退隱，因為佢對日復一日統領球隊仍有憧憬。據《泰晤士報》報道，雲格冇興趣回歸英超，事關佢無意帶隊對戰兵工廠，對舊會非常尊重。依家雲格手上起碼有四個工畀佢選擇，其中一份係巴黎聖日耳門，但PSG唔係搵佢代替現任教練杜曹，該支法國豪門係希望搵佢做足球總監。
另外一個Offer係來自一支國家隊，搵雲格做領隊。而另外兩個邀約，係來自兩支歐洲頂級勁旅，不過係邊兩隊就未被提及。雲格曾三次奪得英超冠軍，離開阿仙奴後曾傳出佢會任教拜仁、AC米蘭或皇家馬德里。
支持本地運動員，一齊去「睇體」！
東網體育FB同你追實體壇每個精彩時刻！