【賽後解碼】雲尼斯奧斯就係皇馬嘅未來

東網電視

(Getty Images)

周日(10日)凌晨西甲馬德里打吡，皇家馬德里作客以3:1擊敗馬德里體育會，皇馬今場可以全取3分，真正功臣並非入波嘅卡斯米路、沙治奧拉莫斯、加里夫巴利，而係雲尼斯奧斯祖利亞。

呢位18歲巴西新星喺雙方陷入僵局時，利用個人技術突破，於43分鐘博到12碼，造就沙治奧拉莫斯射入，皇馬領先2:1入更衣室。逼使馬體會下半場焗攻之下，被後備入替嘅加里夫巴利入多1球，呢球只係錦上添花。

雲尼斯奧斯祖利亞季前由法林明高加盟皇馬，當時冇乜人睇好佢，而且更一度被貶去踢B隊。不過，皇馬季初戰績低落，眾星狀態大不如前，造就雲尼斯奧斯祖利亞有上位機會，近期更力壓加里夫巴利、馬高阿辛斯奧，成為正選左翼。

雲仔亦不負所望，上場西班牙盃鬥巴塞，皇馬靠佢喺左路策動攻勢，先開紀錄，今場佢又喺相同位置，博到12碼，幫球隊第2度領先，發揮出「關鍵先生」角色。

皇馬左路以前由C朗主宰，依家由雲尼斯奧斯祖利亞打晒，佢就係「銀河艦隊」未來亮點。

支持本地運動員，一齊去「睇體」！

東網體育FB同你追實體壇每個精彩時刻！

Follow東網體育IG一齊撐本地運動員！

on.cc東網