亞冠外　出發檳城！傑志望以經驗爭勝

傑志將於周二（12日）晚上9時出戰亞冠盃外圍賽次圈賽事，作客馬來西亞對霹靂，球隊周日（10日）清晨在數名將會在稍後時間前往觀戰的球迷送機下，出發前往檳城，而球隊在抵埗後則於黃昏進行首課操練。

「藍鳥」主教練朱志光表示，期望球隊能夠藉着多年來參與亞洲賽及上季出戰亞冠的作客經驗，擊敗對手晉級：「香港球隊要作客去到較熱嘅地方比賽，球員要冷靜同喺收放方面要處理得好啲，希望班球員喺呢幾年有嘅作客經驗，可以喺比賽度發揮得好啲。球隊士氣喺攞咗銀牌之後特別好，球員喺心態上都知道仲欠缺緊啲乜，希望佢哋無論喺亞洲賽同本地賽事都可以將最好嘅水準帶出嚟。」傑志目前除中村祐人受傷無法上陣外，盧卡斯手指仍未傷癒，但其上陣機會應該不受影響。