亞冠外　傑志抵怡保　大敵係高濕度！

【何彥霆怡保直擊】為準備應付周二晚（12日）作客馬來西亞出戰亞冠盃外圍賽次圈對霹靂的賽事，傑志周日（10日）早上從港出發前往檳城，在下午抵達怡保，並在酒店用膳過後，於下午6時在霹靂新建成的人造草訓練場進行抵埗後首課操練，內容以緩步跑、練習衝刺力及「搶球」遊戲等較輕鬆的訓練為主。

雖然怡保當地日間溫度高達攝氏33度，但氣溫在黃昏後已有所下降，惟「藍鳥」主教練朱志光表示不可忽視在高濕度的環境下作賽等環境因素：「雖然話係夜晚涼咗，但係濕度都係比香港高好多，球員剛才郁一郁都已經成身汗，所以喺90分鐘內，球員嘅體力係好快消耗，所以明日（11日）嘅主題都係圍繞點樣喺比賽留住氣力，始終都係作客。始終嚟到機場之後仲要坐兩個鐘頭車，啲球員都會攰，所以今日（10日）主要係畀球員郁吓同適應吓環境。」

至於球員方面，列斯奧疑似弄傷手臂，情況有待進一步觀察，另外鄭展龍則出現嘔吐的情況，初步相信只是「暈機浪」。「朱Sir」又指，雖然球隊於周六（16日）在港超聯賽將會作客對和富大埔，但寄語球員不要分心，並先注心應付眼前對霹靂一仗。