亞冠外 朱Sir︰熟悉馬來西亞有助備戰

20190211
東網電視
更多新聞短片
(何彥霆攝)
【何彥霆怡保直擊】將於周二晚(12日)作客馬來西亞,出戰亞冠盃外圍賽次圈對霹靂的傑志,周一(11日)在晚上6時30分假霹靂體育場進行賽前最後一課操練前,兩隊早上派員出席賽前記者會。
於日前弄傷左邊肩膊及手臂的列斯奧,周一(11日)則紮住受傷部位操練,而早前感到不適的鄭展龍亦有完成整課操練。「藍鳥」主教練朱志光透露,自己跟馬來西亞國家隊陳清和是好友,因此可透過對方得到更多有關馬來西亞足球的資訊︰「佢哋嘅主教練同我好好朋友,所以一直都對馬來西亞足球發展同理念都有了解,最重要係我太太係馬來西亞人,所以對呢度都比較熟悉。」對於今仗作客,「朱Sir」繼續強調球員需要懂得在比賽中避免消耗太多體力,並要冷靜應戰︰「球員落到場點樣去流放體能,呢個係相當重要,呢個主場亦比香港嘅球場闊,所以要更加小心,因為兩邊嘅空位會好多,如果好魯莽咁攻上去,會畀咗空位對手,佢哋啲球員好有速度,我會同啲球員講要好小心,嚟到呢度控制唔到戰況就會混亂而輸波。」
至於首次代表傑志參與亞洲賽的盧卡斯,「朱Sir」則表示他雖然缺乏國際賽經驗,但今仗在球隊中會飾演重要的角色︰「我同佢講,賽事嘅勝負會由佢牽引,因為佢舊年受傷而未能參與,冇喺名單之內,如果啲攻勢唔係好清晰而佢又轉身去,我哋條防線跟佢一齊出去,變相令回防嘅次數多咗,可能消耗嘅體力會多咗,始終作客嘅時候,見到啲波唔通嘅時候要回番後,可能睇起上嚟冇咁好睇,但球隊比賽都要有方法,希望佢可以做到。」
霹靂主教練杜拉高域則表示,球隊上下對於首次出戰亞冠的賽事感到興奮,並指球隊雖然有一些傷兵在陣,但球隊已準備就緒,他亦認為傑志無論本地及外援球員均有出色球員在陣,除了是聯賽冠軍外,亦具有豐富的亞洲賽經驗,因此他指今仗將是不易應付,對於勝算方面,他但願表現較優勝的一隊能夠贏波進級。