講波界KOL 雲格:拒絕皇馬因為我夠雷

20190215
東網電視
更多新聞短片
(Getty Images/互聯網)
前阿仙奴領隊「教授」雲格再度開咪講歐聯,講波就個個識講,佢講自己嘢先係重點。佢大讚熱刺有「曼聯92班」影子,呢啲觀點唔係個個講得到,而球壇一直有個疑問,就係雲爺爺點解多次拒絕皇馬邀請?原來答案好簡單,因為佢講義氣。
今時今日呢一代,好難解釋義氣係乜嘢,總之皇馬邀請你去執教,唔去就笨,但雲格價值觀就係咁老餅,佢話:「皇馬不止一次邀請我去擔任主帥,但我多次拒絕,我拒絕嘅原因純粹出於對阿仙奴嘅忠誠。」
「我哋做人都係遵從自己價值觀生活,當時阿仙奴剛剛建成球場,要償巨額債務,而我正處於成件事嘅中間,因此作出保證我唔會離隊,皇馬都唔去。」
之後嘅事大家都好清楚:「球會欠下銀行巨債,出糧都要慳住使,被迫出售主力,只有我撐住球隊才能維持營運,近代教練來講,佢哋嘅位置就脆弱得多。」
支持本地運動齊去「睇體」!
東網體育FB同你追實體壇每個精彩時刻!
Follow東網體育IG一齊撐本地運動員!