巴塞想簽番久保建英 FC東京打守護戰
20190216
東網電視
更多新聞短片
(互聯網)
有「日本美斯」之稱嘅足球神童久保建英，可望重返巴塞隆拿，做「真實版戴志偉」，因為呢位中場將於今年6月4日踏入18歲，成為成年球員，可以名正言順加盟巴塞隆拿。
巴塞隆拿早於2011年8月就簽入當時年僅10歲嘅久保建英，但被國際足協查出違規簽入未成年海外球員。
最終巴塞於2015年被逼放走久保建英，轉投日職球隊FC東京，其後佢以15歲5個月零1日，成為日職史上最年輕上陣球員。久保建英上季被被FC東京外借去橫濱水手，5次聯賽上陣射入1球。
雖然久保建英已經離開巴塞近5年，但「地上最強」並冇忘記佢，根據西班牙《世界體育報》爆料，巴塞一等到今年6月4日，久保建英夠18歲，就會簽入佢，但會先安排佢踢B隊。
不過，FC東京立即反擊，聲稱不會放走久保建英，所以佢想好似漫畫《足球小將》主角戴志偉，為巴塞上陣踢西甲，並唔容易。
東網體育FB同你追實體壇每個精彩時刻！
Follow東網體育IG一齊撐本地運動員！