嘩！曼聯想用破世界紀錄轉會費簽佢
20190217
東網電視
更多新聞短片
高列巴尼(右)被蘇斯克查睇中。(Getty Images)
曼聯喺英足盃16強作客車路士前，英國傳媒大爆，紅魔看守領隊蘇斯克查派首席球探羅路亞去意大利睇辦，發現拿玻里中堅高列巴尼堅掂，建議高層用後防球員中嘅破世界紀錄轉會費簽佢。
上星期拿玻里喺意甲作客以0:0打和費倫天拿，高列巴尼踢得好穩陣，跟住拿玻里喺歐霸盃作客以3:1砌低蘇黎世，蘇斯克查嘅首席球探羅路亞一樣有入場睇辦，而且對高列巴尼嘅表現好滿意，搞到蘇斯克查心郁郁想搶人。
其實曼聯炒摩連奴前已經想簽高列巴尼，據講紅魔打算用9,000萬轉會費，利誘拿玻里放人，成功嘅話，就會改寫利物浦用7,500萬鎊收購華基爾雲迪積克，後防球員中嘅世界紀錄轉會費，大家不妨買定花生。
支持本地運動員，一齊去「睇體」！
東網體育FB同你追實體壇每個精彩時刻！