港超聯 香港飛馬傑志MK大激鬥
20190222
東網電視
更多新聞短片
香港飛馬傑志MK大激鬥。
毋需登入，立即睇直播：
註冊成東網會員，有波睇又有「福利」：
「中銀人壽香港超級聯賽」周六（23日）上演直播雙響炮，頭場下午2時30分假香港仔運動場展開，聯賽「2哥」冠忠南區迎戰理文；尾場下午5時30分在旺角大球場開賽，3連勝的香港飛馬火併傑志。現時聯賽前6隊只有5分差距，各前列球隊主帥均表示要步步為營，希望在餘下7輪賽事殺出重圍奪冠！
主場出擊的香港飛馬近期走勢回勇，連同菁英盃分組賽擊敗傑志，已取得3連勝。今仗面對同得18分的傑志，主教練陳浩然認為：「每次對傑志都好難踢，我哋之前喺菁英盃贏過佢哋，無論信心、士氣都好好，上場對凱景亦做到零失球，防守信心都有加強。」「陳Sir」又謂今場比賽初段相當關鍵，要避免先失球。
至於早前傷出的艾華、佐佐木周及胡晉銘，「陳Sir」透露：「佢哋都可以落場，但係狀態未係十足，加上嚟緊要再對東方龍獅同和富大埔，所以我哋會針對唔同對手嘅防守，去調配球員踢唔同嘅比賽。」「陳Sir」又指上場對凱景首次上陣的袁振昇、曾至孝現時已相當清楚球隊要求，又已適應踢法，有助球員調動迎接連場硬仗。
傑志上仗作客以0比3不敵和富大埔，主教練朱志光表示除有球員倦勤之外，埋門是最大問題︰「我哋之前作客馬來西亞踢咗120分鐘，體能點都有影響，對和富大埔其實都處理得唔錯，不過上半場太早失守。睇番片段，球員算做得好好，只係埋門把握爭啲，22次射門只得2次中目標，對手唔計12碼8次埋門入咗2球。」
對於爭標形勢，「朱Sir」認為目前仍存在很大變數，因此期望在餘下7輪賽事爭取最多分數。人腳方面，除列斯奧養傷，艾里奧上仗因拉傷大腿退下火線，估計將缺陣3至4周，林恩許則受恥骨傷患困擾，需要休戰多一周。
毋需登入，立即睇直播：
註冊成東網會員，有波睇又有「福利」：