菁英盃　麥富城：希望大家記住我！

「菁英盃」周五（1日）上演A組賽事，由和富大埔於青衣運動場硬撼富力R&F，最終富力憑福保羅起孖，加上麥富城射入職業生涯「開齋波」，以3比1擊敗和富大埔。

賽後麥富城表示：「半場我入番更衣室嘅時候畀人鬧，因為我上半場真係踢得好差，下半場隊友、楊Sir（主教練楊正光）、體能教練不斷鼓勵我，加上羅港威出咗球好靚嘅波畀我，完場我都打自己幾巴，睇下係咪真嘅！」回憶起入球一刻，這位自由人青訓產品坦言：「平時練波楊Sir都叫我直接射，其實嗰陣自己對腳都抽筋，所以就搏一搏?埋去，都估唔到咁靚！」

在取得入球後，他重演隊友盧均宜早前於元朗一戰中所做的慶祝動作，他透露：「盧均宜做完，依家到我做，之前自己踢得唔好，依家我想話畀人聽：『我返嚟喇！想大家記住我，77號！』」問及會否爭取聯賽上陣時，他則謙稱不敢想太遠，加上早前公佈的港隊U22名單自己榜上無名，自己要再努力一點！

此外，連同李卓翰，自由人3位青訓小將只有曾通明未取得入球，「富城」期望：「梗係想佢都入埋波啦！我哋係Fantastic 3呀嘛！」他又稱會與效力凱景的許嘉樂一同食飯慶祝，感激這位好友一直支持。