維拉柏豪變史高斯 轟今季最靚金球！
20190303
東網電視
更多新聞短片
（互聯網）
記唔記得邊個係基亞利殊？你可能會搲晒頭，但一定記得英格蘭周柏豪。呢名前英格蘭新星，於英超一度光芒四射，不過近季卻表現麻麻，甚至喺維拉都冇乜出場機會。但佢痛定思痛重新出發，今季再度成為球隊重要棋子。今輪英冠維拉主場大數打比郡4:0，基亞利殊接應左路角球，於禁區外球不着地右腳勁轟世界波入網，堅有當年史高斯影子！
維拉本季表現平平，但10號仔基亞利殊持續有好演出，今場面對由林柏特帶領嘅打比郡，維拉狂風掃落葉取得大勝，基亞利殊仲轟入呢個超級靚波，令維拉球迷High到震。睇番本季歐洲幾大聯賽，都好少出現咁高質嘅入波。
東網體育FB同你追實體壇每個精彩時刻！
支持本地運動員，一齊去「睇體」！