亞協外　「堅Sir」：「黎明」好快唔易應付

將於周三（6日）香港時間下午3時，出戰亞協盃附加賽首回合賽事，作客北韓球隊黎明SC的和富大埔，大軍周日（3日）下午起程飛赴北京，稍後再轉機前往平壤。主教練李志堅明言對手紀律嚴明，行軍迅速，要小心防範。

「堅Sir」早前曾到蒙古觀看首圈的賽事，向黎明SC刺探軍情，在他眼中對手踢法十分整體、簡單直接、行軍速度極高，肯定不是容易應付的對手。另外，問到陣中射手哈利的傷勢進展，「堅Sir」表示：「有機會（正選）嘅，不過都好睇去到頭一兩課操練操點，雖然哈利上場臨尾後備落咗場，但其實都紮得好實。始終都要睇情況，因為嗰邊天氣好凍，同埋佢又咁耐冇踢。」

和富大埔中場黃威曾隨港隊作客北韓，他認為面對最大的障礙，就是對手的主場氣勢和當地飲食：「上次亞洲盃外圍賽，佢哋主場坐咗幾萬人，其實個環境都令我哋好難踢。另外飲食方面，香港隊係試過唔夠食嘅情況出現。自助餐嗰啲佢都係出一盤之後就唔會再refill，呢方面都要注意。」他笑言今次「醒目」自備了一些乾糧，以備不時之需。