菁英盃　「嘉恆」：望為球隊打下強心針！

於周日（3日）出戰「菁英盃」對傑志梅開二度的理文前鋒梁嘉恆，於賽後表示期望今仗勝利能夠令球隊更有信心應付聯賽︰「球會嘅宗旨係想喺盃賽攞成績，所以今場我哋用盡全力去應付呢場比賽，希望呢個盃賽嘅勝利，可以喺聯賽帶畀我哋更多信心。我哋其實都冇放棄過，等咗今場勝仗都半年喇！因為我哋好多時都係領先完，唔夠集中又畀人追番，球隊發揮得非常之好，希望可以喺聯賽爭分，脫離降班危機。」

對於今仗傷愈復出便射入兩球，「嘉恆」透露自己尚未回復至最佳狀態︰「其實之前兩個禮拜都係做一啲密集式治療，自己以前一啲傷患處理得唔好，依家距離完全康復仲爭兩成，希望我可以維持呢個狀態，嚟緊幫理文繼續爭取入波！」