14歲網球仙女 索過寶娃多多聲！
20190305
東網電視
更多新聞短片
Makenzie Raine靚到好似天仙一樣。（互聯網）
講起網球美女，仲係舒拉寶娃、禾絲妮雅琪同寶釵？nolanola，佢哋已過晒氣，因為出現咗Makenzie Raine！呢名美國網球小仙女只得14歲，但因為外國人早熟，外表已好似17、8歲咁，五官精緻到好似雕出嚟一樣，皮膚又吹彈得破，難怪全球網友見到佢都暈得一陣陣，話佢仲靚過寶娃細個嗰陣。Makenzie Raine雖然仲未參加過任何大賽，但就日日操練，準備喺網球壇發光發熱。
Makenzie Raine來自美國，同好多年輕人一樣鍾意影相擺上IG，入面睇到佢簡直仙氣滿溢，所以好早就被發掘成為小Model。Makenzie Raine雖然年紀輕輕，不過擺起甫士影相非常專業，佢樣靚之餘仲有一副運動員纖瘦骨架，無論係着起網球戰衣、便服甚至泳衣都一樣咁好睇，網友個個都睇到非常陶醉，話又再次戀愛了。
雖然靚到天仙一樣，只係做Model都紅得起，不過Makenzie Raine一心喺網球界發展，平時操練非常認真，而且IG入面絕大多數都係打緊網球嘅相，而佢於網上都寫咗好多宏願，例如「其他優秀嘅選手，喺我呢個年紀時諗緊咩呢？同樣係每日面對辛苦嘅訓練嗎？好希望有朝一日都可以踏上實現夢想嘅賽場！」Makenzie妹妹慢慢嚟呀，我哋個個都網球迷，全部都等緊你參加大賽㗎！
東網體育FB同你追實體壇每個精彩時刻！
支持本地運動員，一齊去「睇體」！