港超聯 傑志中心返嚟喇 「藍鳥」黃雨開操

20190306
東網電視
更多新聞短片
呢一日對傑志上上下下嚟講,都係一個大日子!
去年9月中受颱風「山竹」吹襲的賽馬會傑志中心,經過接近半年的維修後,仿真草場的草皮亦接近完成。傑志一眾港超球員周三(6日)重返中心,進行重鋪草皮後的首課操練。
傑志總經理吳凱威(Wilson)向傳媒透露訓練中心最新詳情:「去年9月16日我哋開始同保險公司、公正行開始傾,直至今日一隊終於可以練波,都已經半年時間。球場現時已大概可以,呢半年我哋同保險公司傾能夠受保嘅費用,我哋希望喺三月尾就可以公佈,同公眾交待『山竹』對公司影響嘅銀碼有幾大 ,傑志畀幾多、保險保幾多。」「Wilson」亦透露,中心目前亦正進行擴建︰「依家同圖則師傾緊點樣預防下一次,嚟緊有大約4至5樣新方法要做,會喺3月尾4月頭一齊公佈,希望預防下次颱風對中心做成嘅影響。至於1樓擴建工程,可能有些少延遲,大約7月尾先可以起好。擴建嘅1樓3月尾有外殼,但正式啟用要等到7月尾。維修工作已完成,下星期青年軍同梯隊開始使用,由4月1日起,公眾就可以用得。」