亞協外　窿窿！和富大埔「黎明」再鍊過

和富大埔周三（6日）作客黎明SC的「亞協盃」附加賽首回合，與主隊踢成0比0平手，下周三（13號）晚8點將假旺角大球場上演次回合，屆時兩軍再決高下。

面對正選年齡只有21歲的黎明SC，和富大埔開賽初段可謂反客為主，哈利4分鐘接應隊友長傳快腳抽射，僅僅高出。伊高沙托尼2分鐘後左路突破傳中，辛祖近射中柱。站穩陣腳的主隊，之後頻頻靠兩翼快速突擊，還以顏色，幸和富大埔防線有穩定演出，將主隊攻勢一一瓦解。

戰至21分鐘，「綠戰士」再次迎來領先良機，伊高沙托尼左路突襲施射被主隊門將李哲成擋出；黃威2分鐘後同樣於左路窄位起腳，惟同樣逃不過李哲成的十指關。及後主隊幾乎於38分鐘入波，幸艾華度及時護空門，上半場雙方踢成0比0。

易邊後，和富大埔一度受壓，主隊中場球員金功範近門頭槌中楣。力保不失的和富大埔，末段乘對手體力下降，調入李嘉耀和陳肇鈞加強活力，前者在84分鐘一次右路傳中，接應的辛祖左腳施射高出，未能將比數改寫，最終雙方兩無紀錄完場。

賽後，和富大埔主帥李志堅表示，對首回合作客和波感到滿意，他說：「算係滿意賽果，始終對手有番咁上下實力，行軍快速，好彩我哋球員都依足賽前部署，比較可惜嘅係攞唔到作客入球。次回合有信心可以喺主場贏波晉級，目前最大敵人係自己同時間，因為要星期四（7日）晚先返到香港，星期六（9日）就要喺聯賽作客理文，今場比賽有一定體力消耗，希望球員可以爭取時間休息。」

至於隊長黃威則謂：「雖然我係第一次踢亞協盃，但之前試過好多次喺香港隊同北韓交手，賽前都知佢哋好快，不過黎明SC球員比較後生，相比對慣嘅北韓國家隊欠啲經驗。希望13號返到主場可以入到波，今場主隊雖然只有約4,000人入場，但主場球迷相當齊心，畀到好大壓力我哋，希望我哋喺主場都可以獲得各位香港球迷支持啦！」