【皇馬大亂】輸到躁！高圖爾斯打爛記者車
20190308
東網電視
更多新聞短片
皇家馬德里喺歐聯出局後立立亂，今季加盟後多次成為箭靶嘅泰拔高圖爾斯，日前捲入襲擊記者醜聞！據西班牙Cadena COPE電台爆料，泰拔高圖爾斯日前喺馬德里市中心，被「狗仔隊」全程追蹤，呢位比利時國腳被跟到扯晒火，突然隨手執起件物件掟去記者架車，造成損毀。
泰拔高圖爾斯出手後立即走人，記者就窮追不捨，最後佢記低泰拔高圖爾斯個車牌後報警，馬德里警方證實車牌號碼嘅登記人就係泰拔高圖爾斯，不過呢位記者就決定唔再追究。作為前馬德里體育會球員嘅泰拔高圖爾斯，加盟後一直未受到皇馬球迷接納，今次再搞單咁嘅嘢，皇馬前路好難行喎！
東網體育FB同你追實體壇每個精彩時刻！
支持本地運動員，一齊去「睇體」！