【多圖】皇馬黑腳累女主播被鬧係雞

20190309
東網電視
更多新聞短片
(互聯網)
皇家馬德里門將泰拔高圖爾斯今季表現不濟,備受球迷批評,依家仲連累埋緋聞女友卡妮露,成為皇馬擁躉嘅針對目標。
呢位32歲西班牙靚女主播喺3月8日「三八婦女節」呻,自從同泰拔高圖爾斯傳出緋聞後,不斷遭網民辱罵同抹黑。
卡妮露喺社交網上話:「婦女節快樂咩?我被人鬧係黑貓、罪犯、婊子、小偷、妓女,呢啲就係我過去一星期得到嘅『婦女節問候』,依家唔係18世紀,依家係2019年3月呀。」
而泰拔高圖爾斯急急同卡妮露劃清界線,話從未同卡妮露拍拖,依家唔會,將來都唔會,唔知係想為女方減壓,定係已經飛咗對方。
事實上,泰拔高圖爾斯係出名嘅賤男,2014年試過偷食國家隊隊友奇雲迪布尼女友。2017年4月,高圖爾斯又同當時陀住佢第2個BB已經8個月嘅女友瑪達杜明高斯分手,睇來卡妮露又成為佢情場嘅犧牲品了。
東網體育FB同你追實體壇每個精彩時刻!
Follow東網體育IG一齊撐本地運動員!