認得佢嗎？前英超球星販毒被捕！
20190322
東網電視
更多新聞短片
踢過修咸頓、皇家蘇斯達嘅前哥倫比亞國腳中場韋亞法拉，日前涉嫌販運可卡因被捕，被美國政府引渡歸案。
現年40歲嘅韋亞法拉，被指利用船及飛機，從哥倫比亞太平洋沿岸經墨西哥，販運可卡因到美國。兩日前，佢喺荷槍實彈嘅軍警包圍下，坐飛機抵達波哥大，韋亞法拉落機後頭嗒嗒，聽取警方人員宣讀美國政府嘅引渡文件，然後被轉送至美國，呢劑睇怕都有排要踎。
韋亞法拉代表過哥倫比亞國家隊34次，2004年效力國內球會卡爾達斯時，曾經領軍兩回合逼和阿甲勁旅小保加1比1，互射12碼贏2比0，爆冷首度捧走自由盃。喺次回合轟入一球遠射嘅佢，更加當選嗰屆嘅MVP。2005至08年佢遠赴英超同西甲揾食，先後踢過樸茨茅夫、皇家蘇斯達及修咸頓，當時算有啲名氣。
東網體育FB同你追實體壇每個精彩時刻！
支持本地運動員，一齊去「睇體」！