【東體爭議】傳統崩壞!祖記放棄黑白間條?

20190328
東網電視
更多新聞短片
無論係任何年紀,絕大部份球迷都知道祖雲達斯就係「斑馬軍團」,黑白間波衫就係呢支意大利班霸嘅Icon,柏天尼、施丹、巴治奧、迪比亞路嘅「黑白衫」形象深入民心,不過近日有傳聞話,祖雲達斯下季將會放棄呢個超過100嘅傳統,將黑白間條轉為半黑半白波衫!
被視為波衫網站權威嘅《FootyHeadlines》,經常都提前曝光各大球會新波衫款式,佢哋日前就得到疑似祖雲達斯下季波衫照片,主球衣竟然放棄咗黑白直間,而且一半黑+一半白,中間加多條粉紅色直間,兩個手袖就一黑一白,完全顛覆祖雲達斯嘅傳統。
祖雲達斯創會初期曾經用過白衫同埋粉紅衫,但自1903年開始採用黑白直間設計,至今從未間斷,雖然流出嘅新波衫並未經官方確認,但一眾祖記球迷反應極大,紛紛批評新衫係「最差設計」,唔知大家又接唔接受得到呢?
東網體育FB同你追實體壇每個精彩時刻!
支持本地運動員,一齊去「睇體」!