【被退休】雲格：仲未有球會搵過我
20190403
東網電視
更多新聞短片
(Getty Images)
前阿仙奴領隊雲格自從上季季尾結束22年兵工廠教波生涯之後，仍然未有新教職，佢上年曾經自爆會喺今年1月復出，點知到依家都未有工開，令到呢位69歲法國名帥非常失落，甚至可能黯然退休。
雲格日前喺巴黎進行演講時，被問到是否會擔任巴黎聖日耳門體育總監，佢話：「我依家並未收到任何球會邀請，我已經連續工作35年，一直跟住自己嘅直覺做事，教球會或教國家隊，都有可能。」
講到現時處境，雲格難免唏噓：「我有啲傷惑，我好想念比賽嘅感覺，因為我生命之中，一直都咁做事，當然我依家可以享受空閒時間，但我仲想做一啲令腎上腺激素急升嘅事情。」
之前曾經傳出AC米蘭、拜仁慕尼黑、泰國國家隊、卡塔爾國家隊想請雲格領軍，但最後都不了了之，雲格將於今年10月踏入70歲，如果再咁落去，或者會靜靜地掛鞭。
東網體育FB同你追實體壇每個精彩時刻！
Follow東網體育IG一齊撐本地運動員！