睇拜仁多蒙特終局直播 開球愛Live Party
20190406
東網電視
更多新聞短片
收看直播，請按直播ICON，或按下面鏈結：
今晚德甲上演爭標大戰，拜仁慕尼黑主場鬥多蒙特，依家榜首多蒙特只係領先次席拜仁兩分，今場邊隊贏好大機會就係聯賽王者，呢場簡直就係本季「德甲END GAME」！
凌晨零時30分開波，東網免費直播，呢場波開「球愛Live Party」，繼續由蘇雞同Oscar講波，呢兩位哥仔首季做評述，勝在夠落力，見到有進步。為獎勵佢哋，今場直播請來兩位靚女陪佢哋講波，仲講明會着背心仔、短裙仔，全程挑逗呢兩位年輕人，考驗佢哋可唔可以喺咁艱辛嘅情況下，發揮正常嘅講波能力，仲有「今夜不講波」環節，點唔講波法，今晚睇吓就知。
有好嘢梗係要齊齊分享，我哋又點會只係獎勵兩個講波仔呀？已經預備咗特別禮物送畀大家啦！球迷可以喺直播期間去「睇體 ontv Sports」facebook專頁留言，除咗同評述主持傾波經，仲有機會贏得「香港業餘足球訓練總會」送出足球訓練課程，對象由十幾歲到七十幾歲都無問題，仲要係跟范俊業、梁志榮、迪天奴、列斯奧、阿古沙、柏寶路、比圖、卓卓等家傳戶曉嘅球星學踢波，千祈唔好錯過！詳情記得留意到時個facebook post喇！
兩位靚女分別係Gillian同Ursula，「東網體育」Facebook就會直播佢哋喺錄影廠嘅現場，淨係聽波睇女亦得，正係雙重娛樂只此一家。未睇波之前，先去佢哋IG睇海量靚相，止住渴先。
本周德國波睇體直播賽程：
4月6日晚上9:30 德甲 史特加 VS 紐倫堡
4月6日深夜00:30 德甲 拜仁慕尼克VS 多蒙特
支持本地運動齊去「睇體」！
東網體育FB同你追實體壇每個精彩時刻！