港超聯　傑志冠忠南區鬥智鬥力！

按次收費觀看直播：http://tv.on.cc/kitchee/　

「中銀人壽香港超級聯賽」今晚上演前列對決，傑志於旺角大球場迎戰冠忠南區。在今場激戰賽果將會令聯賽前4隊伍爭標形勢更加明朗之下，雙方均以全取3分為目標的主教練朱志光及鄭兆聰，更於賽前大打心理戰，令賽事充滿火藥味！（東網on.cc周一(8日)晚8時直播）

傑志繼早前於足總盃8強大炒理文6比0晉級後，「藍鳥」上周中在主力馬特史密夫停賽及盧卡斯因傷缺陣下，於亞協盃首場分組賽以2比4不敵和富大埔。主教練朱志光透露，由於前鋒泰迪因鼻骨骨裂及移位，需要傷出約1個月，因此在確保今場聯賽能夠有盧卡斯傷癒復出下，在亞協盃對大埔一仗收起該位巴西射手，並讓陣中的年青球員上陣，而於該仗退下火線的華杜斯，其狀況有待再觀察，才可確定能否出任正選。

朱Sir擔心傷兵多過對手

今仗面對着目前聯賽失球數字最少，於14場聯賽僅失13球的冠忠南區，「朱Sir」則表示較擔心己隊受傷球員多過對手︰「呢場波南區都需要贏，所以都唔可以90分鐘都係打穩守突擊，假若佢哋一失波，場波就會好難踢，所以唔會太擔心對方嘅防守，依家係比較擔心盧卡斯同華杜斯嘅情況！」

冠忠南區最近兩仗分別於聯賽及足總盃均以1比0小勝夢想FC及富力R&F，主教練鄭兆聰強調，球隊需從緊密防守建立基礎︰「防守係足球好重要嘅一部份，要識得防守先會有穩定性。我覺得今年我哋其中一樣嘢做得好好，就係喺防守方面好專注，呢個係我哋嘅本錢，希望我哋可以繼續保持落去。」

對於傑志周中需要贏付亞協賽事，更有泰迪、華杜斯及盧卡斯受傷，「Ricky Sir」則認為己隊優勢不大︰「因為場波延遲咗兩日，我哋係冇優勢，另外我諗佢哋之前受傷嘅華杜斯同盧卡斯都會踢，因為對佢哋嚟講，特登係為呢場波留力對我哋，我哋喺呢方面都準備好，我同啲球員講，你預佢哋兩個會落場。依家球隊淨番4場波，已經再冇失分嘅空間，球隊要先做好自己本份贏波。」至於球隊傷兵方面，門將謝德謙已復操，要視乎其狀態才可決定能否上陣。