祖記同曼聯 拿傑錫迪會點揀？
20190409
東網電視
更多新聞短片
（互聯網）
巴塞隆拿中場拿傑錫迪，近年屬「地上最強」鐵打正選，但有消息指出，巴塞今夏將會換血，而法蘭基迪莊來投後，拿傑迪錫地位將會不保。雖然該名克羅地亞中場不欲離隊，不過殺到埋身冇得唔諗。意媒《Gazzetta dello Sport》透露，雖然曼聯對呢名世界盃亞軍成員有興趣，但佢更希望轉投祖雲達斯。
拿傑迪錫上個夏天已被巴黎聖日耳門垂青，但佢寧願留喺巴塞。巴塞會長巴度美奧曾經講過，雖然拿傑迪錫係重要球員，但都要再審視球會人工架構，到依家都仲未同佢傾新約，換言之呢名好波之人極大可能夏天要離隊。
相比起曼聯，拿傑迪錫更希望轉投祖雲達斯，《Gazzetta dello Sport》披露拿傑迪錫已同祖記達成初步協議，一旦被通知離開，就會選擇過檔祖記。拿傑迪錫14年轉投巴塞後，同美斯合作無間，如真係轉投祖記，將會另一球王C朗做隊友。
支持本地運動齊去「睇體」！
東網體育FB同你追實體壇每個精彩時刻！