9歲女中場　學會勇敢地面對男生

由香港足球總會主辦、香港賽馬會慈善信託基金全力支持，本年度首次舉行的「幼苗足球比賽2018/19」，正進行得如火如荼，包括區隊、球會梯隊、足球學校、足總青訓及女子培訓隊，跟HKJFL球會在內合共70支U12和U10球隊，將透過為期8個月的每周一賽日，藉實戰提升水平，讓處於成長「黃金時期」的球員，在多元及平時的機會下好好發展。

「幼苗足球比賽2018/19」為一個8個月的賽事，都在新落成的將軍澳賽馬會香港足球總會足球訓練中心進行，為讓參賽球隊可以在「強強對決」的競賽條件下成長，賽制上亦有精心安排。所有參賽球隊會在首個賽日進行資格賽，每組（U10及U12）取得最好成績的24隊進身分組賽，到第4個賽日會進行升降制，第1組排名最低一隊會降班到第2組，而第2組最高排名球隊則會升班到第1組，同樣第2組排名包尾一隊降班到第3組，而第3組「1哥」則升班到第2組，最後每組最高排名一隊為冠軍。

李淳慧︰同男仔對壘激起戰意

對於球隊能在賽事中，與多支不同背景的球隊交鋒，足總女子培訓隊U10教練陸柏熹就認為，對旗下球員的成長有百利而無一害︰「其他對手有嚟自區隊、球會同足球學校，有啲球隊仲係由外籍球員組成，對於我一班女仔球員嚟講，無錯係好難應付，但亦係好好嘅鍛煉機會，逼到佢哋喺臨場好快咁去做決定，而我亦見到佢哋有好大嘅進步。」

年僅9歲的女子培訓隊中場球員李淳慧則笑說，不僅未有害怕與男仔對壘，反而激發起她的戰意，希望可以在賽事中擊敗對手。難得的是，「淳慧」獲爸爸Jason百分百支持，他謂︰「囡囡每星期接受兩次訓練，可以喺比賽度將平時學到嘅做番出嚟係非常難得，對佢喺足球運動方面嘅發展好有幫助。我從來無擔心過佢要同男仔比賽，好感激香港足球總會提供到呢次賽事，囡囡同我都好享受。」

傑志U10主帥鄧姬雪（Alison）同樣覺得，「幼苗足球比賽2018/19」有助球員提升水平，她說︰「出面好少賽事可以有咁多隊參加，就算有，啲實力都好參差。但呢個比賽唔同，隊隊水平差唔多，踢得多就會『逼』到球員去諗去應變，自自然然會有提升同進步。」

視比賽為發展工具

傑志U10主將、現年8歲的陳彥樂自覺與隊友間之配合，隨着每星期有賽事，而變得愈來愈合拍。勝負其次，「幼苗足球比賽2018/19」成立之理念，視比賽為球員發展的工具，而非爭標之方法，首要乃球員自身發展而非戰果。元朗U10隊長李晴溢就分享了自己，參賽以來的得着。「我覺得自己喺搶波同截波方面都做得好咗，本身我好細膽，但依家踢多咗，都無咁易驚。好開心嘅，可以同到咁多唔同嘅對手比賽，我信心都比之前大咗好多。」這名年僅9歲的後防主將道。效力南華U10的「名將之後」、招重文兒子招宇鴻則表示，不只可與不同對手交鋒感到有趣，能夠在良好的環境下作賽，感到非常舒服。

李本思：盼收窄與鄰近國家水平

「幼苗足球比賽2018/19」成立以來，深得各參賽球隊、教練、球員和家長愛戴，「舵手」香港足球總會草根足球經理李本思（Samuel Bensley）可謂居功至偉。但這位擁有豐富青訓工作經驗的教練並未有邀功，並謂︰「其實依家我哋所做嘅，喺南韓、日本和越南呢嘅香港鄰近國家已經做咗好一段時間，希望我哋可以愈做愈好，逐啲逐啲收窄番彼此足球水平嘅距離。」

「我哋希望可以畀到更多機會U10同U12球員，喺有系統同機制嘅環境下比賽，過去香港都有唔少適齡嘅比賽，但唔夠全面。多啲同水平接近或者更高嘅對手比賽，對發展中球員嚟講，可以產生好大同正面嘅影響，改進佢哋喺場上面嘅表現。」李本思道出香港足球總會主辦「幼苗足球比賽2018/19」之動機。

想進一步擴充賽事規模

「幼苗足球比賽2018/19」贏盡口碑，不知香港足球總會可有下一步計劃？「當然有啦！希望賽事規模可以進一步擴充，包括參賽隊數同組別都可以增加。係嗰句，適齡嘅球員可以多啲機會比賽，對球員本身或者香港足球嘅發展都係好事。」李本思透露了未來發展方向外，亦不忘感謝香港賽馬會慈善信託基金的支持，讓賽事得以順利進行和發展。