余煒廉Vs史雲斯頓 齊爭「最年青年球員」

20190411
東網電視
更多新聞短片
余煒廉(左)同史雲斯頓有份爭奪獎項。 (陳焌鏗攝)
香港足球總會周四(11日)假觀塘apm舉行記者招待會,宣布「2018/19香港足球明星選舉」將於周五(12日)早上9時開始接受公眾投票。與過去一樣,「最佳青年球員」競爭激烈,其中有份角逐這個獎項的理文中堅余煒廉,以及凱景中場史雲斯頓都有出席記招,他們都異口同聲地說:「能夠得到提名已經好榮幸!」
今季在理文穩佔正選的余煒廉表示:「每一個年青球員都係對手,自己都係平常心去面對,今季好多年青球員都有好好嘅表現,競爭都比較大,所以如果自己表現得好,我相信球迷都會支持同投票畀我。」這位年輕中堅雖曾於年初助港隊衞冕省港盃,但他認為自己優勢在於:「對比其他年青球員,自己今季喺理文有好多出場機會,呢方面係我自己嘅優勢。自己喺比賽上嘅心理質素會進步得多啲,始終踢得多嘅時候,自己都冇咁緊張,表現都會穩定啲。」
至於從傑志外借加盟凱景的年輕中場史雲斯頓則謙稱:「今季攞到唔少落場經驗,令到我可以喺啲好球員身上學習,所以能夠獲得提名我都已經好開心。」這位英菲混血兒更認為:「最大嘅對手係余煒廉同孫銘謙,因為佢哋表現愈嚟愈成熟,『煒廉』今季好穩健,而『孫銘』落到場就交到同佢年紀唔相稱嘅好表現。另外,我覺得幾個冇提名嘅年青都值得攞呢個獎,例如:我嘅隊友畢頓,傑志嘅陳晉一、巴拉克,東方龍獅嘅佐敦查維斯等等。」