柏豪又變美斯 基亞利殊Solo世界波!

20190411
東網電視
更多新聞短片
(Getty Images)
「英格蘭周柏豪」基亞利殊,今季喺阿士東維拉踢到曉飛,百份百係現時英冠最佳球員。剛啱聯賽作客洛達咸,基亞利殊於中圈附近位置,期間先後避過4個敵衞,之後接應橫傳抽爆對手大門,協助打少1個嘅維拉又試贏波。自從做咗維拉隊長後,基亞利殊帶領球隊英冠7連勝,依家已經殺入前6,下季分分鐘喺英超見到佢!
今季開咧維拉表現麻麻,基亞利殊亦屢受傷患影響,一直徘徊緊喺聯賽中游。不過早前佢被委任為隊長後,就球王上身勒都勒唔住,對打比郡就射入窩利金球,睇到球迷嘩嘩聲。連埋大數打比郡,維拉7連勝入18球,其中基亞利殊入3球,有2球都係奠定勝局嘅入波。英冠頭2位直接升班,第3至6位可以升班附加賽,依家維拉領先第7嘅米杜士堡5分,極可能有得打附加賽,「柏豪」堅有機會帶領維拉升班。
東網體育FB同你追實體壇每個精彩時刻!
支持本地運動員,一齊去「睇體」!