【人物誌】皇馬日本神童 世界波震驚施丹
20190413
東網電視
更多新聞短片
呢期亞洲足球最紅人物非南韓前鋒孫興民莫屬，不過日本球壇亦有唔少天才新星湧現，除咗曾踢巴塞隆拿嘅久保建英之外，原來皇家馬德里都有個15歲天才中井卓大，呢位攻擊球員日前為皇馬U16上陣再轟入世界波，據報教練施丹對佢相當睇好，西班牙媒體更揚言中井卓大將係皇馬「明日之星」。
現年15歲嘅中井卓大，其實已經喺皇馬少年隊踢咗5年，即係10歲就嚟到呢間歐洲班霸學法，而當時皇馬預備組教練正正就係施丹。中井卓大之前喺各級別賽事中，已經入過唔少「美斯式」嘅超級金球，日前U16賽事佢又用「巴迪斯圖達式」火箭炮轟入世界波，連西班牙《阿斯報》都話：「呢個日本細路將成皇馬明日之星」。
中井卓大生於滋賀縣，喺日本國內人氣高企，早被日本傳媒封為「和製美斯」，亦有人形容佢係「真人版戴志偉」，2013年4月參加「西班牙挑戰營」，Pass晒多層測試後成為皇馬一員。查實喺網上，有好多卓大仔嘅威水片段，佢7歲就以一扭十，玩到班小朋友氹氹轉。
東網體育FB同你追實體壇每個精彩時刻！
支持本地運動員，一齊去「睇體」！