金牌經理人幫拖　祖記今日要簽新C朗

葡萄牙超新星祖奧菲歷斯近排人氣勁升，唔少人都話呢個19歲賓菲加中場係「新C朗」，讚佢好波又靚仔。就因為佢實力幫到隊波，仲可以幫到球會搵錢，據聞包括曼聯、多蒙舟同馬德里體育會等大球會都睇中佢。不過，講到出手快，睇怕就一定係祖雲達斯，已經擁有超級球星C朗拿度嘅祖記，據報堅係想集齊「新舊C朗」拍住上，仲安排高層今日（周二）同祖奧菲歷斯經理人佐治文迪斯會面，希望盡快搞掂落實轉會。

事實上，佐治文迪斯同祖記喺舊年夏天已經合作無間，包括成功由皇馬搞到C朗拿度加盟，又從華倫西亞簽到祖奧簡些路。今次雙方再次合作，自然更易話為，據知，祖記已經準備大開水喉，打算畀1.2億鎊去買斷「新C朗」份合約。至於祖記同時亦會加速將前鋒保羅戴巴拿賣去拜仁慕尼黑，希望可以為籌措資金買人嘅一部份。

支持本地運動員，一齊去「睇體」！

https://bit.ly/2DxX4XI　

東網體育FB同你追實體壇每個精彩時刻！

http://bit.ly/2ecTF2A