港超聯 東方龍獅+狼隊=GOLDEN CHANCE!

20190424
東網電視
更多新聞短片
(陳焌鏗攝)
港超球會東方龍獅周三(24日)公布與英超球會狼隊合作,於5月16至17日合辦「GOLDEN CHANCE足球訓練計劃」。東方龍獅期望憑藉是次活動,能擴闊本地年輕球員的視野,並提升他們的訓練水平、足球知識、技巧,而表現優秀的兩名小將將有機會到狼隊的訓練基地受訓兩星期。
今次活動將由前威爾斯國腳、狼隊U23主教練愛德華士(Rob Edwards)主理,屆時會帶同球隊中國球員王佳豪(David Wang)蒞臨。活動首日會與約40名本地教練分享經驗,翌日則會對大約60位東方龍獅青年軍進行訓練和選拔。
東方龍獅副總監司徒文俊表示:「歐洲好多球會都希望拓展大中華市場,同事聯繫到有關方面,適逢狼隊U23下個月嚟香港參加『2019 香港足球會 Citi 七人足球賽』,所以搵到呢個機會同佢哋合作,希望往後可以持續畀到香港年輕球員多一個平台、機會。」他又指:「我哋覺得香港同外國平台有分別,始終喺外國訓練、比賽對抗性都會好唔同,希望年輕球員可以快啲出到去歐洲,等發展得好嘅時候,將來返嚟為東方龍獅效力。」
而狼隊董事總經理戴雲普(Laurie Dalrymple)則稱:「原因有兩個,第一,我哋七月會喺上海踢英超亞洲挑戰盃,我哋認為可以借呢個機會吸納更多球迷;第二就係我哋嘅U23青年軍會參加『2019 香港足球會 Citi 七人足球賽』。今次同東方龍獅首次合作,佢哋同我哋嘅合作網絡之間有好強大嘅聯繫,亦發現香港人好鍾意足球,所以我認為今次係一個好好嘅機會去建立夥伴關係。」
他同時透露小將若希望獲選到狼隊受訓,需符合5大條件:「我哋希望揀一啲速度快、有飢餓感、積極學習、技術好、戰術執行力強嘅年輕球員。」問及會否外借狼隊球員予香港球會時,他笑說:「有機會!」