菁英盃　盧梓杰＋余煒廉：希望攞冠軍

「菁英盃」賽前記者會周五（26日）於香港足球總會舉行，決賽隊伍佳聯元朗、理文均有派出U22球員出席。佳聯元朗的盧梓杰和理文的余煒廉異口同聲地表示，渴望替球會捧走「菁英盃」！

首季征戰港超聯的元朗中場盧梓杰（Billy）在上場準決賽對香港飛馬時，獲得首次正選上陣機會，Billy坦言：「節奏差好遠，踢預備組就算踢120分鐘都無問題，但係上場到60、70分鐘已經好攰，所以體能同身體質素要再進步。」

早於上季認識對手後衞陳衍光，Billy自爆上季常常向他偷師，事隔近一季，Billy明言：「如果有機會同佢同場，我都想睇吓自己有冇進步，KO佢就唔諗啦，想贏獎盃返屋企多啲！」

去季助元朗奪得銀牌冠軍的理文中堅余煒廉揚言要小心法比奧：「法比奧除咗喺後場幫到手之外，上到前場都有入球能力，關鍵時候總可以畀到驚喜大家，所以除咗要小心對手嘅進攻球員之外，亦都好需要留意法比奧嘅後上。」

面對這支充滿回憶的球隊，「煒廉」表示：「始終出道嘅時候喺元朗，又攞到銀牌冠軍，好多嘢都係元朗畀我，但係去到決賽都唔會再諗，目標都係想贏，想幫理文攞冠軍！」