再輸畀剋星 小丁：可以返屋企湊女
20190430
東網電視
更多新聞短片
中國桌壇「一哥」丁俊暉在世界桌球錦標賽爭冠夢碎！周一在克魯斯堡劇院被「準神」卓林普連追六局，成功逆轉，小丁以9比13被淘汰，無緣8強，兼且今個賽季「食白果」。他賽後坦言終於可以回家湊女。
小丁在16強對住今屆大師賽冠軍卓林普，首節落後3比5，第二節頻頻起迫返超9比7，但進入第三節，小丁開段已經手風麻麻，而且失誤甚多向對手送上機會，令卓林普愈打愈順，先得打出一Cue93及103，連贏六局，闖入8強將面對麥佳亞。
值得一提是卓林普可謂小丁在世錦賽的剋星，今次已經是小丁第三次在世界賽輸畀「準神」，丁俊暉賽後承認自己錯失了爭勝的機會，但他沒有太大的失望，反而想盡快回家「湊女」：「依家可以多一啲時間陪伴囡囡，佢喺季初嘅時候出生，我一直都無時間同佢一齊。」今個賽季未能奪走一冠，小丁坦言會為下季作好部署：「我會展望下個賽後，但依家唔諗住，唔想迫自己太緊。」
至於另一位中國球手周躍龍面對「機場」卡達表現都算不俗，曾經領先9比7，但第三階段同樣連輸六局，以9比13出局。「巫師」希堅斯則以13比11力壓冰咸，闖入8強。
Follow東網體育IG一齊撐本地運動員！
東網體育FB同你追實體壇每個精彩時刻！
支持本地運動員，一齊去「睇體」！