【人物誌】「飛」一般中場 荷蘭魔笛追魂

20190501
東網電視
更多新聞短片
雲迪碧克「球王片」:https://bit.ly/2UTQj6A 
阿積士喺今季歐聯大放異彩,法蘭基迪莊、馬菲斯迪歷特、大衞拿尼斯等新星早就成為搶手貨,不過球迷似乎嚴重低估了中場雲迪碧克嘅影響力,呢位啱啱22歲嘅球星係阿積士中場拍子機,無論攻、守都達到頂級水平,今場對熱刺一箭定江山令佢揚名立萬,傳聞皇家馬德里、拜仁慕尼黑、熱刺等豪門都對佢虎視眈眈。
阿積士對上一次喺歐聯4強贏波,已經係1996年4月嘅事,1年之後嘅1997年4月,就係雲迪碧克出世。雲迪碧克4歲嗰陣由爸爸安迪帶入場睇阿積士比賽,從此就展示出足球嘅興趣同天賦,11歲加入阿積士之後,雲迪碧克得到最佳嘅成長環境,2年前嘅歐霸盃決賽對曼聯已經有份上陣,今季歐聯更加係球隊重心人物,上位嘅速度「飛」一樣咁快。
西班牙傳媒曾經封佢做「荷蘭莫迪歷」、「荷蘭恩尼斯達」,事實上雲迪碧克係非一般中場,佢喺阿積士青訓嗰陣先係學做「9號半」前鋒,傳奇球星柏金都曾經教過佢,之後又改踢攻擊中場同防守中場,而法蘭迪保亞就指佢最佳位置係「6號位」,對熱刺一仗雲迪碧克既展示出後上入球能力,亦有精準傳球、控制節奏以及全場逼搶嘅能力,歐聯之後肯定聲價百倍。
你不知道的歐聯!即去全新包裝彩報網上版:https://bit.ly/2Z3RXGj