港超聯　佳聯元朗主場煞科 梗係想贏波

「中銀人壽香港超級聯賽」周日（5日）頭場由佳聯元朗於主場元朗大球場擺下擂台，迎接東方龍獅的挑戰。主隊早前在「菁英盃」決賽不敵理文，而客軍近兩場均未能勝出，今仗雙方為重回勝軌，勢必全力爭勝！（開賽時間：周日下午2時30分）

剛失落「菁英盃」冠軍的佳聯元朗，主教練郭嘉諾雖坦言球員心理受影響，但同時認為團隊精神有助球員走出陰霾：「職業球員就係要學習去恢復，因為我哋仲有第二個盃賽去踢，所以呢幾日練習都係希望球員重拾踢波嘅樂趣。一個團隊嘅運動喺恢復方面會快啲，相反一個個人項目如果輸咗個冠軍，佢身邊未必有好多人支持到佢，而團體運動咁多人，大家互相支持之下，恢復會快好多。」

今仗同時是球隊主場最後一戰，「郭Sir」期望以勝利報答球迷全季的支持。球隊今場有基斯停賽、基爾頓因傷倦勤，「郭Sir」透露會給予年輕球員如：黃本煒、李藹軒更多上陣機會。

至於東方龍獅上場憑艾華頓的入球逼和夢想FC，主教練安祖史杜錫表示上場第二個失球可避免，但仍喜見球員在進攻上有所改善。今仗面對佳聯元朗，「安帥」認為：「元朗雖然喺菁英盃決賽落敗，但係從中都見到呢支球隊組織力強，球員表現拼搏，部分球員喺球場上嘅自由度大，會由後場走上前進攻，呢方面我哋製造麻煩，但我哋都會好好準備。」

他又指法比奧為對手關鍵人物：「佢嘅經驗、閱讀球賽能力可以幫到球隊喺唔同時候做最好嘅決定，好似菁英盃決賽咁，臨尾佢有機會射入兩球，入唔到係有啲唔夠運。」人腳方面，球隊目前有麥基、基頓有傷在身。