老婆睇定樓　捷比亞要去呢度搵食？

般尼茅夫贏熱刺場英超實在太精彩？所以意甲拿玻里主帥安察洛堤決定向呢兩隊嘅球員埋手，一口氣簽晒捷比亞、尼敦阿基兩名後衞，提升防線質素？

意大利《天空體育》報道，熱刺28歲右後衞捷比亞個老婆，被人發現喺那不勒斯睇屋，仲為自己嘅細路搵學校，關於呢位英格蘭國腳即將轉投拿玻里嘅消息，愈嚟愈似層層。

但係咁都未算爆，另據《米蘭體育報》聲稱，拿玻里亦正考慮羅致埋周六晚(4日)，一頭絕殺熱刺嘅般尼茅夫後衛尼敦阿基頂替艾比奧爾。原因係艾比奧爾接受手術治療髕骨肌腱損傷後，已經缺陣近3個月，呢名33歲西班牙老將仲踢唔踢得冇人知，於是斟定尼敦阿基當買保險。據聞，般尼茅夫為尼敦阿基開價3000萬歐元，呢個數目似乎就難唔到拿玻里嘞。

消息話，拿玻里搵咁多後衞，全因下季安察洛堤將改變戰術，呢兩個球員嘅出波能力，對新戰術會有好大幫助喎。

唔止足球睇波，仲有24小時滾動賠率，即時體驗：https://bit.ly/2UmNL0L