劍神回歸仲未夢醒　準新郎張小倫：衝奧運

香港男子花劍隊周日（5日）在世界盃俄羅斯站歷史性奪得亞軍，世界排名躍升至第6位。花劍隊成員張家朗、蔡俊彥、楊子加、張小倫和教練Gregory Koenig周二（7日）早上攜同獎牌回港，他們均稱對結果感驚喜，並表示未來目標是進身2020東京奧運。

港男花劍隊今次在聖彼德堡，在淘汰賽先後擊敗中國、意大利和法國等劍擊強國，再在決賽與美國狹路相逢，最終僅敗予對手摘銀，創下港隊歷史最佳成績，四子異口同聲感覺夢幻。「好似細個嗰陣睇日本動漫先會發生咁。」蔡俊彥道。楊子加同稱：「好唔真實，本身冇諗過行到呢度，都係出盡全力去做，最尾知道真係得左，好開心。」

港隊在本站世界盃「過五關斬六將」最終奪亞，張家朗稱榮譽比起個人獎項有過之而無不及：「好驚喜，第一次攞團體世界賽獎項，比起攞個人獎更開心。」港男花劍隊今項賽事豪取52分，世界排名超越日本。他指這個獎項對他們爭取奧運資格增添不少信心：「信心大咗好多，令我哋知道『命運已經喺自己手上』，唔再需要淨睇住韓國，因為今次賽事排名已經前過佢哋，盡力去打就得。」港隊下月將出戰在日本舉行的亞洲團體賽，來爭取資格分躋身奧運，張家朗豪言放眼三甲以內。問到有沒有信心隊伍未來能提升至世界前四，這名「少年劍神」謙稱：「未諗到去到top4，但我哋會盡力去打，首要目標係奧運。」

劍擊隊「大師兄」張小倫，去年在亞洲劍擊錦標賽奪金，今次又在世界賽奪銀，他明言感覺就像「發緊夢」：「一路都冇諗過香港可以去到世界三甲，好開心能夠喺劍擊生涯入面踏上世界頒獎台。」他將功勞歸於新教練「Greg」：「我哋實力本身係有，只不過同世界一級水平仲有啲距離，而『Greg』就畀咗好多鼓勵同目標，令我哋可以專注哋訓練上，話我哋知要相信自己，係賽場發揮出嚟。」去年9月求婚成功的「小倫」透露將與未婚妻Natalie在今年11月正式「拉埋天窗」，他希望在奧運計分周期內不要因奪得獎牌而鬆懈，為著踏上更高頒獎台的目標進發。

東網體育FB同你追實體壇每個精彩時刻！

http://bit.ly/2ecTF2A　

Follow東網體育IG一齊撐本地運動員！