黑氣未除　蘇亞雷斯重傷美洲盃未必踢

西甲班霸巴塞隆拿日前喺歐聯出局，似乎黑氣繼續嚟！今日佢哋宣布另一壞消息，就係射手蘇亞雷斯因為右膝半月板受傷，喺尋日已經接受內窺鏡手術治理。消息指「哨牙蘇」要抖4至6個星期，換言之已經提早收咧，剩低2場聯賽同西班牙盃決賽都踢唔到，而烏拉圭於美洲國家盃喺6月16號出場，佢要為國出戰就要同時間競賽。

根據巴塞隆拿公布，未來兩輪西甲因為無關痛癢，「哨牙蘇」都一定唔會踢，就連5月25日舉行嘅西盃決賽，佢都要高掛免戰牌，而巴塞因為「哨牙蘇」同奧士文尼迪比利都唔出得，已經要諗定變陣。

至於烏拉圭喺暑假出戰美洲國家盃，喺「哨牙蘇」可能缺陣之下，加上卡雲尼今季又係受傷病困擾表現麻麻，同樣有排愁呀！

港網 No.1 24小時足球賠率：https://bit.ly/2UmNL0L