亞協盃　傑志受傷停困擾　或遣小將上陣

將於周三晚（15日）出戰亞協盃I組賽事，作客對中華台北代表航源的傑志，周一（13日）早上出發前往台北，在抵達酒店及用膳過後，下午則前往迎風足球場，並於該仿真草球場進行內容較為輕鬆的首課操練，儘管期間台北市曾發生預計震度為3級的地震，但球隊職球員並沒有感受到震動。【何彥霆台北直擊】

傑志主教練朱志光則透露，球隊今趟作客之旅僅得17名球員隨隊，當中列斯奥雖然已復操，但仍需要時間恢復才可正選上陣，至於傷兵名單除盧卡斯外亦增添了中村祐人的名字，至於後衞李毅凱則因為停賽而未能隨行︰「球隊作客可能會被動啲，因為我哋唔係好夠人。香港呢兩日都熱，但係呢邊空曠都仲係熱，要應付90分鐘嘅賽事並唔容易，可能喺陣容上都焗住要出一啲年青球員，聽日可能會畀『羅梓』（羅梓駿）出先，可能要用『唐文』（唐建文）嚟做替補嘅中堅，萬一中堅有事都有人頂替到。呢邊嘅濕度相對比香港高，但係今日喺仿真草練波唔可以作準，唔敢畀球員有太激烈嘅練習住，等佢哋喺舟車勞頓之後可以有適當嘅訓練量。」