靴里拉：曼聯炒錯摩連奴 球員要負75%責任
20190514
東網電視
更多新聞短片
(Getty Images)
《彩報》豪裝，入市即贏！撳撳呢條Link，寶藏等你拎：http://win.on.cc/football/
曼聯中場安達靴里拉喺英超煞科後，亦正式離隊，結束5年紅魔鬼生涯。唔少輿論認為曼聯今季未能打入前4位，係因為前任領隊摩連奴開壞個頭，繼任人蘇斯克查「虎頭蛇尾」，兩位主帥需要負最大責任，呢位29歲西班牙中場依家「無官一身輕」，決定要為「寸王」同蘇B平反。
安達靴里拉話：「我哋每位球員都必須承擔責任，將責任推卸畀人係唔公平，當球隊踢出一個糟糕嘅球季，75%責任都喺球員身上。成績唔好嘅時候炒領隊，看似理所當然，但其實每個人都有錯。」
安達靴里拉仲爆料，話球員曾經做過「非常差嘅事」，雖然冇講明係咩事，但英國傳媒指好可能係話，球員故意放軟手腳表現差，令摩連奴被炒。如果真係咁，「寸王」就真係死得冤枉。
東網體育FB同你追實體壇每個精彩時刻！
Follow東網體育IG一齊撐本地運動員！