亞協盃　王振鵬︰感謝球迷支持！

【何彥霆台北直擊】傑志周三晚（15日）作客台北出戰「亞協盃」I組分組賽賽事，並以2比1擊敗中華台北代表航源，於該仗為「藍鳥」上陣第300場賽事的門將王振鵬，賽後在離開球場走上隊巴前，獲現場一班球迷高呼其名字來恭賀他，「阿鵬」亦感謝他們的支持︰「其實今場對我嚟講係同其他比賽一樣，行出球場淨係想為球隊贏波，冇特別點諗300場。球迷叫我個名，我都好多謝佢哋鼓勵我！」

儘管「阿鵬」今仗不乏撲救，但最終未能力保不失，他坦言所失一球除了缺乏跟隊友溝通外，亦有點欠缺運氣︰「失球同後衞溝通有問題，因為一開始對手畀波我想出嚟接，但係個波好快好瓢，對手衝前頂頭槌，自己嗌咗『Keeper』，但時間唔夠又移番中間，呢球係有啲唔集中，去到第二點又冇人接應，所以呢球波係有啲唔好彩。」

對於傑志目前在I組出線形勢被動，但仍存在數字上的可能，「阿鵬」則表示不會輕易放棄︰「我哋唔可以放棄呢個比賽，其實第一場分組賽係冇諗過輸畀大埔，呢個係意外，喺追和2比2之後，好唔好彩畀人追番兩球。依家喺分數上仲有啲機會晉級，我哋都要做好自己先，打好每一場比賽。」