拉素破祖記壟斷 曼聯意中人做英雄
20190516
東網電視
更多新聞短片
周四(16號)舉行嘅意大利盃決賽，拉素憑住米連高域沙域同祖亞昆哥利亞喺最後8分鐘各建一功，以2比0擊敗阿特蘭大成功奪冠，繼2013年後再度贏得意大利盃錦標。拉素今次奪冠，亦打破祖雲達斯近5年壟斷意大利球壇局面，今季意甲盟主祖雲達斯，對上4季都羸晒意甲同意盃冠軍，令拉素今次捧盃嘅意義更加重大。
今場為拉素打破僵局嘅米連高域沙域，因傷抖咗差唔多1個月後啱啱復出，估唔到今場後備入替3分鐘就接應角球頂入，成為贏波英雄。呢位塞爾維亞中場上年係球壇搶手貨，傳聞曼聯對佢非常欣賞，而佢嘅轉會費預計高達1億鎊！經過今場決賽之後，睇怕今個暑假又會有場爭奪戰展開。
東網體育FB同你追實體壇每個精彩時刻！
Follow東網體育IG一齊撐本地運動員！