港超聯 例行公事?理文凱景仲有嘢要爭

20190518
東網電視
更多新聞短片
「中銀人壽香港超級聯賽」周日(19日)「煞科」,今季除了是港超史上第一次由區隊奪得聯賽冠軍,今日亦是港超成立以來,首次4場同步直播。雖然今日5場賽事中,有4場可以透過on.cc東網的App或Web版,以及facebook專頁「我撐本地波」觀看到直播,冠軍及降班隊伍亦已塵埃落定,但其實每場仍然有賣點,絕對值得球迷朋友選擇一場入場,再透過手機或平板電腦睇其他直播!
上一場踢出超水準1比1遭傑志逼和的凱景,雖然提早三周已篤定護級失敗,但今場作客將軍澳運動場鬥理文前,主帥「大頭文」馮凱文就再一次,語重心長提醒旗下年青球員,要為自身前途而戰 !(周日下午2時30分開賽)
在宣告護級失敗後,「馮Sir」就透露過不排除入信向足總申請留級,同時他亦再三提到「凱景申唔申請留級」乃一件事,「足總批唔批留級」屬另一件事,就眼前充滿變數的情況下,他認為球員陣上交出表現才是最實際。「上場波驚喜之下領先,領先之後大家打起信心,防守做得好好,成隊波都好集中。球員喺無壓力下,放開懷抱踢,交出咗表現。做到賽前我同佢哋講,要為自己去努力,有表現就無論凱景下季點,都仲會有其他選擇。最後一場會秉承球會宗旨繼續畀年輕球員上陣,亦都應承咗會一啲平時踢得少嘅球員上陣,盡全力踢埋最後一場。」
至於今季「菁英盃」冠軍理文,據悉已展開新季的組軍工作,惟未必所有球員都「有得留低」,為博取會方信任,加上去仗竟令人意外地慘吞夢想FC「6蛋」,今仗無論如何都會全力狙擊客軍。