紐卡素搶桑馬達 同賓尼迪斯再續前緣
20190522
東網電視
更多新聞短片
曼聯中場桑馬達今個夏天回復自由身，多間西甲同英超球會都準備斟介，英國《太陽報》爆料，紐卡素領隊賓尼迪斯亦加入戰團，佢哋兩個喺2012/13球季曾經喺車路士合作過，「肥賓」認為桑馬達嘅創造力同經驗正正係紐卡素所需，所以決定出招。
不過，賓尼迪斯目前亦都同紐卡素就去留進行談判，而其中一個關鍵因素，就係球會限制簽入老將嘅規例，賓尼迪斯要求紐卡素畀佢引入老將以增強球隊實力，如果紐卡素真係成功簽31歲嘅桑馬達，就證明賓尼迪斯贏出呢場權力之戰。
東網體育FB同你追實體壇每個精彩時刻！
支持本地運動員，一齊去「睇體」！