【東體爭議】你要羅美路定係當拿隆馬？
20190524
東網電視
更多新聞短片
曼聯因為滿足唔到門神迪基亞嘅薪酬要求，今個夏天好大機會賣走呢位得番1年合約嘅球星，但之後搵邊個嚟代替就眾說紛紜。英國《太陽報》報道，曼聯高層正考慮唔買新龍門，將表現唔錯嘅副選門將羅美路提拔做正選，今季協助錫菲聯升班嘅年輕新星甸恩軒達臣就回收做副選。不過，意大利媒體《Calciomercarto》就爆料，AC米蘭門將基安盧基當拿隆馬係曼聯目標，如果佢短期內唔答應續約，AC米蘭就會同意以5,500萬鎊賣佢畀「紅魔鬼」。
曼聯來季只係踢歐霸盃，羅美路同甸恩軒達臣應該足夠應付，門將位置並唔係最急切需要補強嘅地方，不過只得20歲嘅基安盧基當拿隆馬，已經有多年頂級賽事經驗，依家嘅實力亦都達到一線水平，如果5,500萬鎊可以買到未來幾年甚至十幾年嘅大門安穩，實在係唔可以錯過嘅機會。
東網體育FB同你追實體壇每個精彩時刻！
支持本地運動員，一齊去「睇體」！