【有片】雲格扭過施丹！實情原來係咁
20190528
東網電視
更多新聞短片
前阿仙奴領隊雲格近期新聞多多，傳聞可能會回歸日職嘅佢，日前喺法國參加咗一場慈善賽，場波由足球、欖球嘅傳奇人物出賽，足球界方面嘅代表就有施丹、迪甘斯、白蘭斯、巴夫斯同雲格等人。呢場波本來冇乜特別，不過比賽入面一幅「雲格扭過施丹」嘅相片就震驚全球網民，先唔講球員時代毫無成就嘅雲格難同施丹相比，雲格依家已經69歲，而施丹只係46歲，體能方面更應該大勝，唯一解釋就係施丹「敬老」囉！
但呢個係世界有圖唔代表有真相，有片先可以知實情囉！施丹喺今場賽事梗係大超班啦，佢應該只係出咗2成力踢，其中一幕就係雲格於後場攞到個波，見到施丹就帶住個波掉頭走，施丹出隻左手掂一掂雲格，就係大家睇到嗰張相喇。幾秒之後，施丹已經追番並搶埋雲格個波，其實都好合理吖！
東網體育FB同你追實體壇每個精彩時刻！
支持本地運動員，一齊去「睇體」！