【歐聯決賽】普捷天奴：護級興奮過贏歐聯

歐聯決賽一觸即發，利物浦領隊高普希望自己轉運，但熱刺呢邊嘅普捷天奴就有另類想法，佢話歐聯奪冠固然不可思議，但愛斯賓奴護級成功更興奮。

普捷天奴係前阿根廷國腳，喺愛斯賓奴掛靴，亦喺該隊展開執教生涯，雖然現在貴為英超Big6熱刺主帥，但仍懷念愛斯賓奴嘅日子，佢話：「如果今屆歐聯奪冠，會係我生命中最美好嘅時刻，成就不可思議，不過呢種感受，唔會超越我之前幫愛斯賓奴護級成功嘅感覺。」

回想當年，普捷天奴稱：「愛斯賓奴情況危急，不能失敗，自己肩負起重大責任及所有人期望，喺我眼中，贏歐聯、英超、甚至世界盃，都唔會超過為愛斯賓奴護級。」