【有片】雲格合照經典　雷恩斯入廠代表作

即睇雷恩斯對車仔梅開二度：https://bit.ly/2HQLKHb　

剛於交通意外喪生嘅雷恩斯，於04年由西維爾以1050萬鎊轉投阿仙奴，當時只得21歲嘅雷恩斯仍一臉稚氣，但已屬球隊新希望。於加盟未夠1個月，雷恩斯於英足盃對車路士梅開二度，其中1球更係遠射世界波。雖然入廠生涯唔算成功，不過佢落場後永不言敗嘅拚搏精神，廠迷永遠都會記得佢。

想當初雷恩斯轉投阿仙奴之時，依然未見過世面，當時仲於機場喊咗出嚟，而佢剛去到高貝利同雲格合照，依家睇番更係經典圖片。只於阿仙奴度過2個球季，就因為思鄉病而離隊，但佢由始至終，都無後悔過加盟阿仙奴，因為佢認為入廠後令佢更加成熟。

雷恩斯記番當初轉投兵工廠，佢話：「喺兵工廠嘅日子，永遠都會喺我回憶之中，我亦永遠都會尊重阿仙奴。能喺英超比賽係個好難得嘅機會，但因為當時我仍年輕，之後好掛住西班牙，所以我先返番西甲。喺英格蘭嘅日子，令我得到好好嘅經驗，就算唔少人覺得我呢次旅程係失敗，但喺呢段時間令我成長咗好多。」